وعــدت الأيام .. وجاء أول يوم في الجامعه .. وعجلاوي مانمش طول الليل .. ومن الفجر لبس هدومه وحضّــر حاجاته ... وطبعاً مامته لازم ترقيه قبل مايمشي .. يلا بينا نشوف
عجلاوي : يلا يامّــه الساعه بجت 6 .. عاوز ألحق مواصلات بدري بدري عشان أكيد الجامعه بتفتح بدري
أم عجلاوي : حاضر يا حبيبي .. أنا بس بعملك 7 او 8 ساندويتشات عشان لما تجوع ..أوعي يا واد تجيب أكل من برّا .. آآه دول بيقولوا انه بيجيب سرطان بعد الشر عننا كلنا ..و سمـّــي كده يا حبيبي .. وخليك مركز .. و....
عجلاوي : ما خلااااااااص يا مـّـه ,, والله حفظت كل حاجه .. وبعدين أنا بجيت راجل يـُعتمد عليه ..... ادعيلي انتي بس يامـّـه ربنا يفتحها في وشي ...
أم عجلاوي : روح يابني .. إلهي يوقفلك ولاد الحلال ويبعد عنك شر الطريق
وصل عجلاوي الجامعه والحمد لله .. وبالرغم من هذا العالم الجديد .. إلا أن ذلك لم يُـحدث تغييراً ملحوظــاً علي طلاب الثانوية العامة ... طبعاً بإستثناء أخينا عجلاوي .. والذي بدا مندهشاً لهذا الحشد من الطلبة والجو المحيــــــط.....
عجلاوي : ياااااااااااه .. إيه الناس دي كلها .. أومال لو كانوا بيوزعوا لحمة كانوا بقوا اد ايه ؟؟!!
عجلاوي : يلا يامّــه الساعه بجت 6 .. عاوز ألحق مواصلات بدري بدري عشان أكيد الجامعه بتفتح بدري
أم عجلاوي : حاضر يا حبيبي .. أنا بس بعملك 7 او 8 ساندويتشات عشان لما تجوع ..أوعي يا واد تجيب أكل من برّا .. آآه دول بيقولوا انه بيجيب سرطان بعد الشر عننا كلنا ..و سمـّــي كده يا حبيبي .. وخليك مركز .. و....
عجلاوي : ما خلااااااااص يا مـّـه ,, والله حفظت كل حاجه .. وبعدين أنا بجيت راجل يـُعتمد عليه ..... ادعيلي انتي بس يامـّـه ربنا يفتحها في وشي ...
أم عجلاوي : روح يابني .. إلهي يوقفلك ولاد الحلال ويبعد عنك شر الطريق
وصل عجلاوي الجامعه والحمد لله .. وبالرغم من هذا العالم الجديد .. إلا أن ذلك لم يُـحدث تغييراً ملحوظــاً علي طلاب الثانوية العامة ... طبعاً بإستثناء أخينا عجلاوي .. والذي بدا مندهشاً لهذا الحشد من الطلبة والجو المحيــــــط.....
عجلاوي : ياااااااااااه .. إيه الناس دي كلها .. أومال لو كانوا بيوزعوا لحمة كانوا بقوا اد ايه ؟؟!!
عجلاوي شاف واحد كده داخل لوحده .. فقام راح عليه
عجلاوي : سلام عليكم يا دفعة .. إنت معانا في سنة إولي ؟؟
الثاني : لا والله انا في سنه تانيه ..
عجلاوي : آآه .." عجلاوي متعجب من اللي أخينا لابسه بنطلون ساقط وشعر جيل وقميص كاجوال ...
عجلاوي : انت ازاي تنسي حزام البنطلون ؟؟يعني عجبك منظرك كده والبنطلون شويه وهيقع منك ... خلّي اللي مايشتري يتفرج بجي ....
التاني : ههههههههههههههههههههههههه ... عجباني أوي لهجتك دي يا مان ..إنت كده ولا بتمثل !
عجلاوي : أمثل إييييييييه يا أخينا .. إحنا جايين نهــذِّر ولا إييييييييييه
التاني : هههههههههههههه .. ياعم ماتزعلش نفسك ..خليك كوول ... أنا رايح أشوف الشلة بتاعتي .. وانت روح دوّر علي حد يفهمك .. سلام يا كابو
عجلاوي بدا غاضباً من ذلك الولد .. وأسلوبه الجديد .. وبدأ يفهم أنه سيعاني قليلاًَ في معاملاته مع من هم مثل ذلك الولد ... وبالطبع معظم الدفعه ...المهم .. راح شاف جدوله ونقله ... وراح علي اول محاضرة
دا باين عليه غريب جدا
ردحذفشكله جاي من الصعيد الجواني
وقابل واحد زي اتش دبور !!!
تحياتي على السيناريو
ماشي يامان بس دي بيطري يعنى الناس اللى فيها لازم يكونوا عارفين ان اخرهم بتوع .... ههههههههههههههه
ردحذفانا بهزر اوعى تضربي
ربنا يعزك يارب يا دكتورة
هههههههههههههه عجبنى شخصية عجلاوى راجل ياريت الناس تفهمة بس اقول لعجلاوى او اى واحد زى عجلاوى النصيحة مش كدة تحياتى للمولف
ردحذف*ضكتور جدا *
ردحذففيتراوي بيسلم عليك ويقولك أشكرك علي المتابعه وفي انتظار تعليقاتك القادمه
*النجم القادم*
ردحذففيتراوي مش بيسلم عليك .. وبيقولك مالهم بتوع البيطري ؟؟
مين اللي واقف علي علاج انفلونزا الخنازير اللي عامله رعب كده ؟؟
ومين اللي يقدر يعرف ان اللحمه دي لحمه بقر من لحمه حمير ؟؟؟
وبعدين ده علم كبير بردو دحنا بناخد تشريح كل عظم الحيوان ومقارنات بالهبل .. علي الاقل في طب بشري بياخدوا تشريح انسان واحد
انما في بيطري بياخدوا تشريح عظمه واحده في كل الحيوانات .. ربنا يقدرنا علي الافاده بالعلم ده يارب .. ننتفع به وننفع به
يلا كفايه كده بقي ..
* قلب فارس *
ردحذففيتراوي بيشكرك جدا علي رايك فيه .. وفعلا النصيحه مش كده .. بس ده غلبان جدا واول مرة شكله يشوف حد كده
جميلة اوي يا رفيدة ..ماشاء الله ..ابداع متألق
ردحذفوسيبك من كلام الناس الي بتتريق دي ..دول محتاجين يروحوا يكشفوا عندكم :))
وحتى لو هزار ..معلش للهزار حدود ولا ايه رأيكم ؟
مش مهم انت في كلية ولا معهد ..المهم تعرف تثبت نفسك فيها وتبقا شخص متميز مش ماشي ورا القطيع
نسيت اقولك ان اسمك كتيير كتييير كتييييييير حلو ..
ردحذفبدي اتعرف عليكي اختي
* قلب انسانه *
ردحذفوالله فيتراوي شكله هيحبك :)) .. ربنا يعزك ياقمر وانا هكون سعيدة بالتعرف عليكي ..وتابعي معانا الحلقات الجايه ان شاء الله يكون فيه تواصل اكتر
شوفتى يا دكتور
ردحذفطب ده ولد وبيعمل كده عادى
لكن اما تلاقى البنت هى اللى بتعمل كده
والله لاقيت بنت بتكلم بيس يا بنتى ويلا بينا واوك وقشطة يامان وياوومن
وحاجات عجيبة عارفة انا منكن اقول الحاجات دى بس مع مين بقى مع اعز واحدة الانتيخ بمعنى اصح وبعدين ايه براحة بصوت واطى
لكن دى قدام باب المدرج وراحت قالت بيس يا معلم
يلا بينا يابنتى
عااااااااااااااادى
ولسه ياما عجلاوى هيشوف
* بيطريه ومش بايدي *
ردحذفعندك حق يابنتي .. البنات بقوا ولاد .. والولاد بقوا بنات .... المشكلة انهم مفكرين دي جدعنه مثلا .. انهم يكلموا بالطريقه دي مع الولاد ... لكن هقول ايه .. ربنا يهدي بنات وشباب المسلمين يارب