عدّا حوالي اربعة خمسة اسابيع .. وأخينا عجلاوي زي ما هو .. من الجامعة ع البيت ... بس المشكلة انه بيرجع تعبان جدا ومش بيلحق يعمل حاجه غير انه يبيض محاضرة ولا حاجه ... انما مذكرة مفيش ..وعنده ماده اسمها Genetics
العملي فيها نظري .. من الاخر مادة عاوزة حفظ ومتابعة ..سواء محاضرات أو سكاشن ...
وفي مرة وهو في سكشن الوراثة ...غلبه النوم ... فنام علي كتف صاحبه اللي ماسك الموبايل وبيلعب فيه ...
المعيد(بصوت عالــي) : الأخ اللي نايم هناك ده ؟!!!!! أحسن نكون عاملينله إزعاج ولا حاجه ؟؟
صاحب عجلاوي : قوم ياله يا عجلاوي ..الدكتور بيكلمك ... قوم قوله صباح الخير
عجلاوي ( ويبدو انه فعلا غلبه النوم يسمع كلام صاحبه بدون وعي ويقول ): صباح الخير
المعيد مستهذئاً: صباح الخيييييييييييير .. أحضرلك الفطار يا حبيبي ؟؟؟ ولا تحب تاكل ف الفرندة؟؟؟
عجلاوي : لا الله يكرمك يادكتور ده من عشمي في حضرتك .. بس لو كوباية شاي بحليب .. يبقي ميه ميه
المعيد متعصباً: صحصح معايا يا دكتور وبلاش نوم وإلا قسماً مانت حاضرلي سكشن تاني
عجلاوي : معلش يا دكتور .. أصل دايماً كده بنام علي حدوتة حلوة زي سكشن انهارده
المعيد : حدوتة ؟؟ طب يلا بقي ورينا كده فهلوتك .. احكيلنا بقي يا حبيبي اللي انا حكيته في حدوتة انهارده
عجلاوي : وأحكي ليه يا دكتور... ماحضرتك حكيتها مرة واحدة كفاية ...كده هتخليني أنام تاني وانا بحكيها
( يضحك السكشن )
المعيد : بطل هذار ياله ... أنا لغاية دوقتي صابر عليك ... انما بعد كده معرفش ممكن اعمل فيك ايه ...
عجلاوي : لالالالالالا والله يادكتور .... خلاص هقول أهو ... حضرتك كنت بتتكلم ف الوراثة ...
المعيد : لا يا راجل !!!! يعني أنا بتكلم ف الوراثة ... طب الحمد لله يعني مكنتش بتكلم ف التشريح ... اممممممممم .. برافوو عليك .. اسمك ايه بقي ؟؟؟
عجلاوي انبسط وفكّر ان الدكتور هيديله درجة ف الكشف
عجلاوي : اسمي عجلاوي محمد عجلاوي يافندم
قرّر عجلاوي بعدها أن يذاكر وينتبه للسكشن ....
ههههههه
ردحذفجميل والله عجلاوى
صباح النور ياعم عجلاوى
قصة جميلة
ردحذفهههههههههه
صباح الخير.....عجلاوى ده شكله مش ناوى يعدى بيطرى على خير
ردحذفليه بتتاخرى علينا كده يارفيده مستنين الحلقات الجايه ان شاء الله
bright light
جميل ننتظر المزيد
ردحذفبجد رائعه جدا وننتظر الرائع منك دوما
ردحذفالله ينور عليكى يا رودى وعلى عجلاوى
ردحذف*قلب فارس *
ردحذفتشــكر يا قلب فارس
عجلاوي بيسلم عليك :))) وبيقولك ماتنساش تدعيله يمكن يتعدل شويه :)))
*Nourislam*
ردحذفأسعدت عجلاوي بتواجدك في المدونة يا دكتور .. وشكرا لتعليق حضرتك
* Bright Light *
ردحذفياصباح اللي بتغني ...ازيك دكتورة برايت .... والله نورتينا ... وماتقلقيش عجلاوي ناوي والنية لله انه يعدي من بيطري علي خييييييير :))) ... بس امتا .. دي بقي لسه معرفش ...تابعي معا عجلاوي بقي عشان تشوفي اخر اخباره
* النجم القادم *
ردحذفشكراً لتعليقك ... أسعدنا مرورك :)
* Gehad Mousa *
ردحذفربنا يكرمك جهاد .. يارب اللي جاي يعجبكم :)))
* د. أيمــن *
ردحذفشكراً دكتور أيمن .. دا عجلاوي هينبسط لما يعرف ان حضرتك كنت بتقرا يومياته :))))))
بجد قصه جامده جدا ...... و مستنين الاجزاء التانيه ان شاء الله
ردحذفوبجد تعتبر قصه قد تكون واقعيه الى حد ما
* dr.knight
ردحذفشكرا دكتور علي تعليقك .. نتمني تتابع الحلقات ... ويارب تعجب الجميع :)
فين باقي الحلقات ؟؟؟؟؟؟؟
ردحذفراااااائع عجلاوي شخصية ابن البلد البسيط
ردحذفمنتظرين المزيد
كل الاحترام مع تحياتي من قلب القدس
ردحذفthx
شركه تنظيف